[12] นเหตุํ รูปิํ ธมฺมํ ปฏิจฺจ นนเหตุ นรูปี ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อรูปิํ ธมฺมํ ปฏิจฺจ นเหตุ นอรูปี ธมฺโม อุปฺปชฺชติ เหตุปจฺจยา… เหตุยา ตีณิฯ

[13] นเหตุํ โลกิยํ ธมฺมํ ปจฺจยา นนเหตุ นโลกิโย ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ โลกุตฺตรํ ธมฺมํ ปฏิจฺจ นเหตุ นโลกุตฺตโร ธมฺโม อุปฺปชฺชติ เหตุปจฺจยาฯ นเหตุํ โลกุตฺตรํ ธมฺมํ ปฏิจฺจ นเหตุ นโลกุตฺตโร ธมฺโม อุปฺปชฺชติ เหตุปจฺจยาฯ เหตุํ โลกุตฺตรญฺจ นเหตุํ โลกุตฺตรญฺจ ธมฺมํ ปฏิจฺจ นเหตุ นโลกุตฺตโร ธมฺโม อุปฺปชฺชติ เหตุปจฺจยาฯ เหตุยา ตีณิฯ

[14] เหตุํ เกนจิ วิญฺเญยฺยํ ธมฺมํ ปฏิจฺจ นเหตุ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา นวฯ

เหตุํ นเกนจิ วิญฺเญยฺยํ ธมฺมํ ปฏิจฺจ นเหตุ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา นวฯ

1-13-18. เหตุทุก-อาสวโคจฺฉกํ

[15] เหตุํ อาสวํ ธมฺมํ ปฏิจฺจ นเหตุ นอาสโว ธมฺโม อุปฺปชฺชติ เหตุปจฺจยา… เหตุยา ปญฺจฯ

เหตุํ โนอาสวํ ธมฺมํ ปฏิจฺจ นนเหตุ นโนอาสโว ธมฺโม อุปฺปชฺชติ เหตุปจฺจยา… เหตุยา ปญฺจฯ

[16] นเหตุํ สาสวํ ธมฺมํ ปจฺจยา นนเหตุ นสาสโว ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อนาสวํ ธมฺมํ ปฏิจฺจ นเหตุ นอนาสโว ธมฺโม อุปฺปชฺชติ เหตุปจฺจยา… เหตุยา ตีณิฯ

[17] เหตุํ อาสวสมฺปยุตฺตํ ธมฺมํ ปฏิจฺจ นเหตุ นอาสวสมฺปยุตฺโต ธมฺโม อุปฺปชฺชติ เหตุปจฺจยา… เหตุยา นวฯ

เหตุํ อาสววิปฺปยุตฺตํ ธมฺมํ ปฏิจฺจ นเหตุ นอาสววิปฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิฯ

[18] เหตุํ อาสวญฺเจว สาสวญฺจ ธมฺมํ ปฏิจฺจ นเหตุ นอาสโว เจว นอนาสโว จ ธมฺโม อุปฺปชฺชติ เหตุปจฺจยา… เหตุยา ปญฺจฯ

เหตุํ สาสวญฺเจว โน จ อาสวํ ธมฺมํ ปฏิจฺจ นนเหตุ นอนาสโว เจว นโน จ อาสโว ธมฺโม อุปฺปชฺชติ เหตุปจฺจยา… เหตุยา ปญฺจฯ

[19] เหตุํ อาสวญฺเจว อาสวสมฺปยุตฺตญฺจ ธมฺมํ ปฏิจฺจ นเหตุ นอาสโว เจว นอาสววิปฺปยุตฺโต จ ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ อาสวสมฺปยุตฺตญฺเจว โน จ อาสวํ ธมฺมํ ปฏิจฺจ นนเหตุ นอาสววิปฺปยุตฺโต เจว นโนอาสโว จ ธมฺโม อุปฺปชฺชติ เหตุปจฺจยา… เหตุยา ตีณิฯ

[20] นเหตุํ อาสววิปฺปยุตฺตํ สาสวํ ธมฺมํ ปจฺจยา นนเหตุ อาสววิปฺปยุตฺโต นสาสโว ธมฺโม อุปฺปชฺชติ เหตุปจฺจยาฯ (โลกิยสทิสํฯ)

เหตุํ อาสววิปฺปยุตฺตํ อนาสวํ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ นเหตุํ อาสววิปฺปยุตฺตํ อนาสวํ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ เหตุํ อาสววิปฺปยุตฺตํ อนาสวญฺจ นเหตุํ อาสววิปฺปยุตฺตํ อนาสวญฺจ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยาฯ เหตุยา ตีณิฯ

1-19-53. เหตุทุก-สญฺโญชนาทิโคจฺฉกํ

[21] เหตุํ สญฺโญชนํ ธมฺมํ ปฏิจฺจ นเหตุ โนสญฺโญชโน ธมฺโม อุปฺปชฺชติ เหตุปจฺจยา… เหตุยา ตีณิฯ

[22] เหตุํ คนฺถํ ธมฺมํ ปฏิจฺจ นเหตุ โนคนฺโถ ธมฺโม อุปฺปชฺชติ เหตุปจฺจยา… เหตุยา นวฯ